الفصل الاول بقلم ايه عرفات

كانت خلاص اختها اغمى عليها ساره بدات تفوق فيها لكن مريم ما بتفوقش ساره مسكت تليفون مريم ورنت على جدها 
مختار ازيك يا حبيبه جدك لسه فاكراني
ساره بصويت الحقني يا جدي الحقني
مختار ايه يا بنت اللي حصل في ايه احكيلي حصل حاجه
ساره ادهم ادهم مسك مريم ونزل عليها ضړب وشرح
جسمها كله 
مختار يا واقعه سوداء انا جاي وهطربق الدنيا على اللي فيها البسي انتي واختك وجهزه نفسكم انا هتحرك الصبح وهكون عندكم على قرب العصر جهزوا نفسكم انتي واختك وقفل السكه
ساره جابت عبايه لاختها ولبستهالها وهي مغمى عليها ودخلت يوسف
يوسف ادخل انت لازم تجيب الدكتوره انا اختي بټموت
يوسف جاب قزازه برفان وحاول يفوق مريم ومريم فاقت
مريم اه يا جسمي اه انا بمۏت
ساره يوسف اتحرك كلم الاسعاف
مريم مسكت ايد ساره 
مريم لا يا ساره بلاش تكلمي حد انا هبقى كويسه
ساره انا ما ينفعش اسيبك كده 
مريم يوسف خد مراتك واطلع بره وانا هبقى كويس
يوسف ازاي هاخدها ونسيبك 
مريم اسمعوا الكلام اطلعوا بره ويا ريت ماحدش يدخل بيني وبين جوزي
يوسف يلا يا ساره ساره خرجت وكانت عماله ټعيط يوسف حضنها
يوسف ما تخافيش ساره زقت يوسف
ساره انتم فاكرينه ايه انتم فاكرين انينا مالناش اهل انا هعرفك انت واخوك ازاي تعملوا كده في اختي 
يوسف طب انا ذنبي ايه 
ساره ذانبك ان انا قلتلك اعرف اختي كل حاجه وانت منعتني اني انا اعرفه كان زمانه دلوقتي ما حصلهاش اللي حصل 
ساره زقه يوسف ودخلت جهزت هدمها 
يوسف طب انت بتعملي ايه دلوقتي
ساره لو سمحت يا يوسف سيبني في حالي
يوسف ازاي يعني 
ساره اطلع يا يوسف بره الاوضه 
يوسف طب انا هسيبك تهدي 
يوسف خرج بره الاوضه وساره قفلت الباب بالمفتاح 
ادهم نزل الجنينه وقعد في ركن في الجنينه وقعد يبكي ومش عارف هو ليه عمل كده
ادهم من كتر التعب نام في الجنينه
مريم كانت قلقانه على ادهم طول الليل ادهم صحي الصبح لقى نفسه في الجنينه قام من الجنينه وطلع على اوضته وفضل يخبط على مريم لكن مريم ما فتحتش الباب
ادهم بدموع افتحي عشان خاطري افتحي لكن مريم ما بتردش 
ادهم نزل قعد في الجنينه يوسف حاول يخبط على ساره لكن ساره برده ما بتفتحش
ساره خرجت من اوضتها ودخلت علي مريم فتحت لها الباب
ساره انت كويسه يا مريم
مريم كويسه 
ساره طب ممكن تجهزي هدومك
مريم ليه
ساره هنسيب البيت ده 
مريم انا مش هسيب بيت جوزي
ساره انتي مجنونه انتي عارفه انتي بتقولي ايه
مريم انا مجنونه ياريت ماحدش يدخل بيني وبين جوزي ولو سمحتي يا ساره اطلعي بره
ساره انتي ازاي بتقولي كده انتي عارفه هو عمل فيكي ايه
مريم حاجه ما تخصكيش زي مابدخلش بينك وبين جوزك انتي تدخليش بيني وبين جوزي وهقولهالك ثاني لو سمحتي يا ساره اطلعي بره
ساره خرجت من الاوضه وكان يوسف واقف في الطرقه ساره دخلت الاوضه وجت عشان تقفل الباب يوسف منعه ودخل وقفل الباب
يوسف طب انا ذنبي ايه انا مالي
ساره ذنبك ان هو اخوك ودي اختي واخوك ما عرفش يحافظ على اختي 
يوسف انا اخويا وحش انا ذنبي ايه تاخديني بذنبه ليه يا ساره 
ساره احنا مينفعش لبعض 
ما تسيبنيش انا بحبك 
ساره كانت اول مره تسمع الكلمه دي من يوسف
ساره انت ايه 
يوسف انا والله العظيم بحبك انت جيتي نورتي حياتي انا حياتي كانت مبنيه على السهر والخروجات كنت زاهد الدنيا وانت جيتي حليتي الدنيا في عيني عشان خاطري ما تبعديش عني انا ممكن اضيع لو انتي بعدتي عني
ساره كانت اول مره تسمع الكلام ده من يوسف
ساره انت بتقول الكلام ده بس عشان ما امشيش صح
يوسف انا كان زمان كنت عايزك تمشي من يوم ما ډخلتي البيت ده كنت مش طايقك لكن الاسبوع اللي انتي قعدتي معايا الاسبوع ده نور حياتي حسيت بالاسبوع ده اني عايش بقالي 100 سنه فبلاش تحرميني من الاحساس ده ساره حضنت يوسف وفضلت ټعيط
يوسف اهدي يا حبيبتي اهدي كل حاجه هتبقى كويسه بس انت ما تسيبنيش
الساعه دقه 300 العصر وفجاه دخل مختار الفيله عند احمد
احمد ايه ده ابويا عندي ازيك يا ابويا عامل ايه 
الاب انت ما عرفتش تحافظ على الامانه اللي انا امنتك عليه
احمد امانة اي يا ابوي انت بتتكلم على ايه بالظبط انا مش فاهم حاجه
ادهم دخل على الصوت العالي
مختار بقى هو ده والدك ادهم 
احمد اه يا ابوي هو ده ولدي ادهم
مختار انت ازاي تمد يدك على بنت ابني انا يدك دي هقطعهالك فين مريم وساره عشان هاخدهم وامشي وياريت يا ولدي زي ما جوزتهملك تيجي وتطلقهم 
مختار بصوت عالي نده على ساره ومريم 
ساره نزلت جري هي ويوسف ومريم نزلت معاهم 
ادهم
كان مصډوم وماكانش عارف يعمل ايه وخاېف لمريم تمشي مع جدها
مريم ازيك يا جدي مريم جريت على جدها وحضنته وباست ايده
مريم حقك عليا يا بنتي انا اللي عملت فيكي كده سامحيني وحقك انا هاخدهولك
مريم حقي اي يا جدي