زهرة قلب الربيع بقلم فيروز عبدالله
كان راسل مراقبها .. اتعدل و شال الطاقية و النظارة من على عينيها .. : انتِ ناصحة وبتاخدى بالك من كل حاجة . . الا من الحب الى فعينيا ، يوم لما سبتينى .. انا حياتى وقفت ، بقي حالى اوحش من لما كنت مرمى على السرير ، على الاقل القدر هو الى كان فرقنا ، مس انتِ الى مشيتى ..انتِ فكرك انى هكون لواحدة تانى غيرك ؟! .. أنا لو منولتكيش فى الدنيا .. هيفضل عندى امل انى انولك فى الاخرة يا زهرة .. ، لأن حتى لو كنت فى نعيم فحياتى من غيرك هتبقى چحيم ! ....
راسل بثقة ندة : يا ماماا .. !
جت مامتة .. وهى ماشية بكسوف من زهرة ، قربت منها وقالت : أنا مش عارفة اقولك إية ... مش عارفة .. ." كانت ھتعيط وقالت بصوت مهزوز " انا آسفة يا بنتى .. أنا چرحتك وانت إلى انقذتى حياتى وحياة إبنى ، أنتِ إلى كنت منورة البيت و .. .. أنا متأكدة لو لفيت الدنيا مش هلاقى عروسة لراسل احسن منك !
حضڼتها .. و بادلتها زهرة الحضڼ ، راسل كانت بيراقب بابتسامة كل حاجة ..
بعدها ، راسل طلع خاتم ألماظ و ركع على رجلية قصادى وقالى بطريقة الجنتل مان الى مش بشوفها غير فى الافلام .. اعذرونى _الى شوفتها مرة من سنتين وكانت من نفس الحنجرة _ : آنسة زهرة .. تسمحيلى أشيلك فى قلبى العمر كلة ؟!
مديت إيدى بفرحة وأنا بقول بضحك : والمكان جوا يكفينى ؟!
جاوبنى وهو بيقومنى ، وقال بالقرب من ودنى لما ضمنى لصدرة : واسع جدا .. اصلة مفيش إلا انتِ ، انتِ مَلِكَتُة ومالكتة ..
****************
ادهم راح وقف جنب سارة الى كانت واقفة عند البوفية ، عامل نفسة بيعدل الستارة .. لكنة بيراقبها بطرف عينة ، عينية مليانة حكاوى عايز يقولها ، لكنه مش عارف يبدأ منين ..
اخدها فرصة وراح وقف جنبها .. : احمم .. لأ متشكر ، بقولك يا سارة هو ١ + ١ يساوى كام ؟
بصتلة پغباء وقالت : أنت بتسأل ؟! . . يساوى ٢ طبعاا
اتكت على طبعا فى الاخر .. شبك ادهم ايدية وقربهم من بؤة وهو بيقول : بس ساعات ١ + ١ بيساوى ١
وقفت مضغ الى فبؤها وهى بتحاول تستوعب .. فى الاخير بصت لادهم بحيرة و غباء اكبر ..
اردف ادهم وهو بيسند ايدة على الطربيزة .. : ما تيجى نبقى احنا ١ و ١ الى مجموعهم يساوى ١ !
