رواية انثى من ناار

كنت نايمة صحيت على صويت وزعيق

خرجت من اوضتي مفزوعة باتعثر في خطواتي من الخوف والخضة

لقيت بابا في اوضة النوم ماسك واحد بيضربه والراجل بيحاول يلبس هدومه ويدافع عن. نفسه بنفس الوقت

وماما بقميص النوم واقعة على الأرض وبتنزف دم من بوقها

خوفت دخلت تحت السرير بدون.ماحد يشوفني وانا باترعش وباعيط بصوت.مكتوم ولقيت حبيبة اختي الصغيرة بتعيط ورايحة لماما خطفتها بسرعة جنبي وكتمت صوت عياطها وشاورتلها تسكت وفعلا سمعت كلامي وانا حضنتها وخبيت وشها عشان ماتشوفش الي بيحصل

لحد. مانامت بسرعة حطيتها جنبي وفضلت اراقب الي بيحصل

الراجل زق بابا وجري على برة بسرعة وبابا راح وراه ملحقهوش رجع تاني لقى ماما بتحاول تقوم بصعوبة

بابا مسكها ورماها على السرير وقلع الحزام وفضل يجلدها بيه وماما بتصرخ وبتترجاه لخد. ماصوتها وقف

وانا باعيط عياط

مكتوم وفجأة بابا نده عليا وجري على اوضتي وهو بينادي عليا انا واختي طلعت من تحت السرير وسحبت اختي بصيت على ماما لقيتها اغمى عليها خرجت لقيت بابا في وشي

اتصدم وقالي: انتي كنتي فين ياحلا

عيطت قرب مني وحضنني انا واختي وقالي: متخافيش ياحبيبتي مفيش حاجة

روحي اوضتك ونامي عشان الصبح هانمشي

وشال حبيبة وفضل جنبنا لحد مانمت غطانا وباس راسي انا واختي بكل حنية كعادته

وراح لماما طول الليل اقلق على زعيق لحد. مالقيت ماما داخلة علينا بشنطة هدومها وفضلت وفضلت تعيط وتقول خلي بالك من اختك ياحلا

قولتلها: ماما رايحة فين

: مسافرة ياحلا

عيطت وقولتلها وانا باحضنها ماتسبنيش خدينا معاكي

مسحت دموعي وقالت: مش هاغيب كتير هاتوحشوني

وقلعت سلسلة فيها قلب عليه صورتي انا وحبيبة من ناحية والناحية التاتية صورتها هي وبابا لبستهالي في رقبتي وقالتلي خليها معاكي اوعي تقلعيها

قولتلها: حاضر

قالتلي: ماتعيطيش اوعي تكوني ضعيفة أبدًا انتي بنتي الجامدة الي ماينفعش تعيط او تخاف من اي حاجة في الدنيا

قولتلها: حاضر بس ماتعيطيش انتي

قالتلي وهي بتشهق من. كتر العياط: عشان هاتوحشوني انا باحبكم اوي

بابا اتدخل وقالها وهو بيبعدها: لا حنينة اوي يامنال وانتي كنتي عملتي حساب ليهم احمدي ربنا اني سيبتك تلمسيهم ياوس.... خة

وسحبها بعيد وقالي: انا هاوصل ماما للقطر وراجع اوغي تخرجو ولا تقفوا بالشباك زي ماعلمتك ياحلا

قولتله: حاضر يابابا

جريت وبصيت من ورا الشباك وشوفتهم بيركبو عربية بابا

وبعد. ساعتين رجع بابا لوحده ومعاه صاحب العمارة ومحامي وعقد وبابا مضى هو وصاحب العمارة واخد شنطة فلوس ودخل لم هدومنا وعفشنا ولبسنا

وبالليل كنا راكبين عربية بابا وانا حاضنة عروستي باربي وحبيبة معاها تويتي وورانا عربية فيها عفشنا

وبعد شوية وصلنا بيت جدو والد بابا طلع يستقبلنا هو والعيلة

جرينا عليه انا وحبيبة اخدنا بالحضن وفضل يبوس فينا ويدينا شيكولاتة كالعادة

وبعد مابابا واخواته نقلو عفشنا في شقة بابا الي ماما كانت رافضة تعيش فيها زمان

جدو طلع وقعد هو وعمي منصور وعمي محمد مع بابا وقاله: ايه الي حصل يامنير

بابا: طلقت منال

جدو: ليه

بابا: مش مرتاح ومشاكلنا كترت واتفقنا نتطلق بشرط. تسيب البنات وتسافر لأهلها بدل ماالبنات يتعقدو

عمي منصور: نورت بيتك يامنير

عمي محمد: ياما قولتلك منال متنفعش بس...

قاطعه جدي: خلاص ياولاد نصيبهم كدة ياللا انزلوخليهم يرتاحو

وقبل مايمشو طلعت طنط فادية مرات عمي محمد بصينية مليانة اكل وفاكهة وسلمت علينا وباستنا ونزلو كلهم

ماعدا جدي الي قعد يلعب معانا

وفجأة:........

وفجأة بابا قال لجدي: شوف ياحاج انا دلوقتي محتاج اتطمن على البنات طول ماانا بالشغل

جدو: متقلقش مراتات اخواتك فادية ونوال موجودين وعندهم ولادهم من سن بناتك

بابا: لا ماينفعش انا ماضمنش يعاملو بناتي ازاي بغيابي

جدو: خلاص هايفضلو معايا انا وتحت عنيا طول ماانت بشغلك لحد ماتشوفلك عروسة بنت حلال

بابا: عمري ماهجيبلهم مرات اب انا هاعيش ليهم مش هابهدلهم ابدا وكلها فترة صغيرة وحلا تدخل المدرسة وحبيبة تدخل كي جي 1 وانا الي بنفسي هاذاكرلهم واغسلهم واطبخلهم بس لحد ماارجع من الشغل هايفضلو عندك بشقتك

جدو: الي يريحك ياحبيبي

وفعلا مرت السنوات ووصلت لاولى ثانوي العام واختي بالاعدادي وبابا بيراعينا بكل حب ورفض يتجوز بسببنا كان يخلص شغله في الشئون القانونية في المحكمة وييجي يأكلنا ويذاكرلنا ويروح مكتب المحاماة بالليل

والايام. كانت بتمر بسلام وهدوء لأن كل الي بابيت بيعملوا لبابا حساب بيخافو يزعلونا

أحيانا ماما كانت بتوحشني بس بابا بيرفض حتى النقاش بالموضوع دة

وفي يوم عيد ميلاد باسم ابن عمي محمد بابا اشترالنا هدوم ونزلنا العيلة كلها كانت موجودة

عمي محمد هو الكبير ومراته فادية تبقى بنت عمه عنده 3 اولاد احمد ودة اكبر واحد بولاد عمي في كلية هندسة

ومنار ودي قد اختي ومعاها بالمدرسة واقرب صديقة لاختي وباسم ودة في ابتدائي عنده 5 سنين بس باحبه لانه دمه خفيف وعسل

وعمي منصور متجوز نوال وعندهم 3 اولاد عدي الكبير ودة ظابط شرطة وبنتين نورا ودي قدي بالسن بس متدلعة وبتاخد السنة في 3

ونور في ابتدائي عندها 10 سنين

طبعا بابا كان مانعنا من الاختلاط الزايد فكانت علاقتنا بيهم احترام بدون تطفل ولاتدخل عشان. كدة كانو بيتمنوا يقابلونا ولو على السلم عشان يتكلمو معانا

مانوا بيبصولنا زي الاغراب الي اول مرة يشوفونا

كنا بنفضل عمي محمد ومراته واولاده لانهم. طيبين وبيحبونا

اما عن اسرة عمي منصور كنا بنحس انهم متدلعين وان مامتهم بتغير مننا وعاوزة بنتها احسن مننا

نزلنا سلمنا على الجميع منار جريت على حبيبة وحضنتها وقعدو يتكلمو سوا وبابا متابعهم

نورا كانت عازمة بنات كتير وكلهم بيهزروا مع اخوها عدي بمنتهى الجراءة

كانت بتبص عليا هي وصحباتها ويضحكو وانا متجهلالهم تماما

مرات عني فادية جت طلبت مني اساعدها لانها بتحب ذوقي وبابا وافق

قمت معاها للمطبخ وكنت بارص معاها الاطباق

دخلت نور وعملت نفسها بتشرب وراحت قايلة شاطرة ياحلا وفرتي علي مرات عمي حق خدامة

انا سمعتها ومحستش بنفسي غير وأنا بضربها بالقلم وفادية منعتني اضربها تاني

خرجت تجري على برة وسمعت زعيق

خرجت لقيت عمي منصور بيزعق مع بابا