رواية خطوبة الندامة كاملة جميع الفصول بقلم ايمان شلبي

-خير حضرتك مش عايز تخرج ليه محتاج مساعده ؟
خالد بعصبيه وهو بيقرب منه:
-وانت مالك انت كمان كنت المحامي بتاع العيله وانا معرفش !
نزل رأسه يبص لخالد اللي كان اقصر منه:
-وانا مالي ؟؟
-اه انت مالك واحده وخطيبها بتتدخل ليه انت و....
صرخت بلهفه:
-كنت خطيبي كنتت دلوقتي انا مش عايزاك ومش عايزه اشوف وشك 
رد عليه بهدوء وهو بيحط أيده علي كتفه:
-سمعت الانسه بتقولك ايه يلا بقي زي الشاطر كده خد بعضك واتكل من هنا 
شال أيده من علي كتفه وهو بيصرخ بجنون:

-مش ماشي من هنا غير لما تسمعني و.....

قاطعته بجنون وانا بشده من هدومه وبهزه بهستريه:
-مش عايزه اسمعك مش عايزه اسمع منك حاجه امشي ا ا ا امشي 
بدأ لساني يتقل وأيدي اترعشت وحسيت ضربات قلبي هتوصل للسما من كتر ما هي سريعه 
-تاليا مالك يابنتي 
بصيت لماما بعيون بهتانه ووش اصفر وفجأه وبدون مقدمات وقعت علي الارض فاقد الوعي 
-تاليا بنتي حبيبتي 
فتحت عيوني ببطئ لقيت نفسي نايمه علي السرير والكل حوليا 
ماما،بابا،عمو محسن جارنا،الشخص الغريب اللي اقتحم بيتنا من غير استأذن !
بس الجميل في الموضوع أن "خالد " مكانش معاهم 
اعتقد وقتها اني لو كنت شوفته كنت ممكن انهار اكتر ما انا منهاره 
كنت حاسه احساس بشع اوي 
احساس الخذلان من اقرب شخص لقلبك مش هين علي الاطلاق 
قلبي كان مفتور 
وكأن خالد وهايدي جابوا خنجر مسموم وغرزوه في قلبي بكل قس*وه 
انا بس كل اللي مزعلني اني مأذتش خالد عشان يعمل كده 
بالعكس أنا كنت مستحمله وراضيه بحاجات مكانش ينفع ارضي بيها عشان حبيبته 
حتي هايدي اللي بتكرهني مفتكرتش في يوم اني آذيتها 
قعدت ماما جنبي ومسكت ايدي وهي بتطبطب علي راسي:
-متزعليش نفسك ياحبيبتي ميستاهلش ولا دمعه منك ده ح*قير وو-اطي 
رفعت عيني في عينيها وانا بضغط علي ايديها وبرد بصوت مبحوح :
-انا اسفه