جوزك اتجوز عليكى بنت عمه

مصطفى :

يا أمي عشان خاطرى انا
قاطعته كريمه بحزن : ضيعت البنت ال حبتك بجد عشان دنائتك بس انا عمرى ماهبطل اكلمها لأنها هي ال لحقتنى قبل ماترمي فى الشارع لما ابنى طردنى طلعت بنت أصول فعلا انا رجعت معاك مش عشان صدقتك لاء انا رجعت عشان مكونش تقيله على الناس اكتر من كده انا داخله اصلي وادعى ربنا يهديك

سابته ودخلت

وهو وقف دموعه نزلت واتأكد أن هو خسر اكتر اتنين كانوا يبحبوه صدق ومشي ورا نزو”اته
(أحيانا الندم بيجى فى وقت بيكون خلاص خسرت كل ال حواليك وهو ده ال حصل مع مصطفى عشان مشى ورا نز”وه خسر كل شئ وخد جزاته)
 

بعد مرور تسع شهور

سجده : ماما خلى بالك من ساجد بيعيط على مافتح الباب
حوريه : حاضر
سجده راحت تفتح واتفاجأت أن أدم
سجده بصدمه : دكتور أدم !!! ايه ال جابك

أدم : تاني !!!

يابنتي انتي دبش كده ليه ارحميني وارحمي نفسك

أدم :

احم عارف ان كلامي غريب شويه بس انا طالب ايدك من والدتك من يوم ماجيت هنا وانتي قابلتيني على السلم بس كنت مستني انك تقومي بالسلامه واقدر أظهر فى حياتك تاني وافهمك

أدم بهدوء :

انا شوفتك كتير جدا ياسجده ومن زمان كمان كنت زميلك فى نفس الدفعه بس مش نفس الكليه كنت براقبك من بعيد دايما ولما عرفت انك اتخطبتى قلبى وجعني بس حاولت اتماسك واقول لنفسي لو احنا مكتوبين لبعض لو حصل ايه هنتجوز بعدت عنك بس بعد فتره عرفت أن نيرمين بنت خالى اتجوزت فى السر ولما قربت من الموضوع عرفت أن ال هتتجوزه ده يبقا جوزك مصطفى مقدرتش استحمل اشوفك بيتلعب بيكي من وراكي وانا اسكت