جوزك اتجوز عليكى بنت عمه
مريم بصدمه : انتى مجنونه ياسجده عايزه تنزلى البيبى
سجده بدموع : مش عايزه اى حاجه من ريحته بعد كده انا لو اطول امسح سنين عمرى ال قضيتها معاه امسحها
مريم بغضب : تقومى تنزلى الحمل اعقلى كده ياسجده انتي قعدتى خمس سنين نفسك فى بيبى ويوم مايجى تموتيه
سجده بشرود :
ربنا يسهل معلش يامريم انا عايزه أرتاح شويه
مريم بشك : هتنامى ولا حاجه تانيه
سجده : لاء هنام اقفلى النور واخرجي
مريم بقلة حيله : ماشى
قامت مريم خرجت وسجده نامت مكانها ودموعها نازله
فى المستشفى
مصطفى بقلق : خير يادكتور أمي مالها
الدكتور : جلطه فى القلب نتيجة صدمه عصبيه
مصطفى بصدمه : جلطه !!! ط طب هي كويسه صح ؟
الدكتور :
للأسف مقدرش اطمنك دلوقتى والدة حضرتك مريضة قلب واى حاجه صغيره تتعبها عن أذنك
مصطفى وقف فى ذهول معقول والدته مريضة قلب طب هي مقالتش لأي حد خالص وتفكيره جه فى سجده وكمان نيرمين ال فى البيت
مصطفى بوجع :
سامحينى يا أمى انا غبى غبى
نيرمين بخبث : بقولك كل حاجه بقت تمام وانا مش هسيبهم يابابا غير ماخد ورث عمى كله
والدها : طب وأمه ؟؟
نيرمين :
تؤ أمه زمانها دلوقتى فى خبر كان من الصدمه يعنى نصيبها كده وكده كده مصطفى خاتم فى أيدي يعني اجيبه يمين وشمال
والدها بشر : طب خلى بالك من نفسك وعايز اسمع خبرهم كلهم قريب
نيرمين بضحك : عيونى
سجده كانت نازله
وخبطت فى شخص
الشخص : طب براحه طيب ادينى فرصه اعتذر
سجده :
لاء انت شكلك فاضى انا ماشيه
سابته ومشيت وهو اتكلم بتعجب : لسانها اطول منها ايه ده !!!
سجده ركبت تاكسى وطلعت على عيادة دكتوره هي تعرفها ومتفقه معاها على موضوع الاجهاض دخلت العياده برعب
والدكتوره قالت ليها انها تجهز وبالفعل سجده جهزت ونامت على السرير وغمضت عيونها بوهن وتعب
