جوزك اتجوز عليكى بنت عمه

زياد :

ربنا يريح قلبك يارب ياصحبي
(أظن عرفته كده مين ال بعت الرساله لسجده🙂😂)
فاطمه والدة سجده بعتاب :

كده برضوا ياسجده توجعي قلبى عليكي
سجده بتنهيده : حقك عليا ياحبيبتى غصب عنى
فاطمه : نورتى ياست كريمه

كريمه :

والله انا محروجه منكم بعد ال مصطفى عمله ده كله
فاطمه : انا هكلمك بصراحه ياست كريمه ابنك ال عمله مش سهل بس برضوا انتى ملكيش ذنب انتي عمرك ماجيتى على بنتى ابدا وتستاهلى تتشالى على الراس

كريمه :

يكرم اصلك ياحبيبتى
سجده : كنت عايزه أقولكم على حاجه
كريمه وفاطمه : خير

سجده :

انا حامل من مصطفى وقبل ماتتكلموا انا فكرت أن انزلوا بس بعد كده وعيت لنفسى وعرفت أن كنت هعمل أكبر غلط فى حياتى المهم مصطفى ميعرفش حاجه عن موضوع الحمل ده خالص
فاطمه : بس يابنتى

سجده :

ماما من فضلك هو اختار حياته وانا لازم اختار حياتى
كريمه : سبيها يا أم سجده دلوقتى على راحتها

فاطمه : حاضر يابنتى

مصطفى رجع البيت وكان تعبان جدا ومش عارف يفكر خالص
نيرمين بدلع : مالك ياحبيبى
مصطفى بضيق : مش طايق نفسى يانيرمين حاسس ان كل حاجه حواليا اتلغبطت

نيرمين بغمزه :

تعال بس وانا هنسيك
مصطفى استسلم ودخل معاها وبعد وقت خرج يقف فى البلكونه ويشرب سجاره وبيفكر ازاى يتعامل مع سجده ويرجع والدته

والدها :

هتمضيه امتى على الشركه
نيرمين بهمسه : ممكن النهارده بس اصبر عليا عشان مش سهل امضيه على اي ورق سلام بقا دلوقتى عشان ميسمعنيش
قفلت مع والدها وخبت التلفون
مصطفى اتصدم من ال سمعه ووقف مكانه مش عارف يتحرك