اتجوزنى عشان فلوس ابويا وبعدها رمانى انا وعيالى القصة كامة
مروان حضن أدم وقومه اخيرا أدم قدر يسيطر علي أعصابه اللي بايظة خالص دي وقف بكل ثقة وسط تصفيق حار من الحضور ماعدا كمال وهشام اللي كانوا هيتجننوا هما كانوا مخططين حاجة تانية خالص كانوا مخططين أنهم يتهموا أدم أنه سرق تصاميمهم رغم أنهم هما اللي عملوا كده بس ربنا مع المظلوم اخيرا يا آدم حصدت كل اللي عملته
في الفيلا بقا البنات بسرعة علقوا زينة وجابوا العاب نارية ومستنين بطل الليلة اللي الحفلة دي علي شرفه
( انا الممكن)
تلاعبني الاعبها وبواجه الدنيا وبغلبها وتشكك
فراك وماليش مالكة لو حتي السكة ماهيش سالكة
استاذ في الشدة وبتعامل بسايسها وبقدر امشيها
انا ماشي في سكتي مهما هتوبخي
انا عارف قوتي فبراحتك خبطي
اناحرفي ما بغلبش تبعدني الدنيا مابتعبش
انا الممكن مش ممكن الصعب مني يتمكن
تضرب تقلب عادي تتشقلب تتسد قصادي
ف الدنيا هاتلويلي بوزها علي مين دانا ملك الحته دي
لابسلم ولا اطاطي مين يقدر يوم علي احباطي
انا زي الموج ماليش كتالوج كلمة لا مش في حياتي
انا سايق مركبي والكورة في ملعبي انا قدك يا حياه مهما تكركبي
انا ماشي في سكتي مهما هتوبخى
انا عارف قوتي فبراحتك خبطي
انا الممكن مش ممكن الصعب مني يتمكن
اناحرفي ما بغلبش تبعدني الدنيا مابتعبش
انا الممكن مش ممكن الصعب مني يتمكن
متمسك بالممكن انا قطر يجري ومايقفش
وصل أدم وبص لحبيبة وابتسم وفتح لها درعاته……
حبيبة جريت ودخلت في حضنه
ادم رفع وشها وبص ف عينيها…..انا نجحت
حبيبة…..اللهم لك الحمد كما ينبغي لجلال وجهك وعظيم سلطانك
ادم…..بحبك
حبيبة حست برعشة ف قلبها ….بعشقك يا أدم
ادم باس جبينها….انتي ليه قاعدة برا لوحدك تعالي ندخل
حبيبة…..مش بحب اسمع اغاني يا ادم
ادم…..طب مانشغلش اغاني يلا ندخل نشغل اناشيد اسلاميه
حبيبة مسكت ايد ادم وحطتها علي بقها وهي معدولة وباستها وهو مسح علي راسها
بقلمي:إيزيس بنت الصعيد
وفعلا دخلوا الحفلة وبدل ادم الاغاني لاناشيد دينية
ادم كان مشغول مع الناس اللي بتهنيه
علشان كده حبيبة سابته ووقفت مع كارما اللي كانت بتهرب من نظرات مروان
&&&&&&&&&&&&&&&&&&&&&&
عند رنا وميرا
بقلمي:إيزيس بنت الصعيد
ميرا….انتي متأكدة انك عايزة تروحي معايا الحفلة بصراحة يا رنا انا خايفة تتحطي ف موقف محرج هناك
رنا …..بخبث……لازم اروح وابارك لادم علي نجاحه واكون جمبه في وقت زي دا واستخدم اسلحتي كلها عشان يعرف الفرق بيني وبين الخيمة اللي معاه
ميرنا…..دانتي دماغك دي ايه سمممم..وضحكوا هما الاتنين
طبعا أسلحتها دي عبارة عن فستان جرئ جدا يظهر اكتر مما يخفي(اسمعي يا رنا ربما التبرج يجيب عريس بس الاكيد الحشمة هتجيب راجل بجد …ربنا يحفظنا ويفعنا جميعا)
&&&&&&&&&&&&&&&&&&&&
نرجع الحفلة
أدم واقف بيتكلم مع مهندس معاه في الشركة ف جاله الدكتور يوسف ابن عمه دكتور كيميائي بيشغل في شركة إنتاج أدوية ووقته من دهب ورسمي جدا
يوسف…مبروك يا باشمهندس أدم مزيد من التقدم إن شاء الله
أدم ….الله يبارك فيك يا دكتور يوسف نجاحي دا من بعض مع عندكم وحش الأدوية
يوسف ….بقرف….نعم !!!!..وحش!!!!
أدم ….اسف احذف وحش مش هتسلك معاك.. قصدي العالم الفزة يوسف الالفي ربنا يزيدك
يوسف.برسمية اوي..شكرا بصراحة أنا قلت اضرب عصفورين بحجر واحد انت عارف اد ايه أنا مشغول ووقته من دهب
أدم … طبعا عارف ربنا يعينك يا حبيبي
يوسف ….حبييي؟؟!!!.مع علينا..بعيدا عن الفاظك السوقية دي يا باشمهندس كنت عايزك تساعدني اني اطلب ايد كارما
كريمتكم
أدم بدهشة ….هتطلب ايد مين فيهم كارما ولا كريمتنا
يوسف….هو دا غباء ولا استهبال
للمتابعة اضغط متابعة القراءة:
