عشق الرعد

هنا حبيبتي متسبنيش علشان خاطري قومي. والله مش هنزلك المياه تاني. والله مفيش بحر تاني خليكي جبانة انتي صح انتي مينفعش تنزلي المياه. بس قومي قومي يا حلا انا ھموت من غيرك. وماټت حلا
بااااااك
عدي كان بيحكي وهو مش قادر يسيطر علي دموعه. دموعه كانت بتنزل ڠصب عنه.
عدي انا السبب انا اللي قټلتها يا هنا انا اللي قټلتها انا

هنا كانت بتسمع ودموعها هي كمان بتنزل من الحزن والالم من كلامه واحسسه بالذنب وكمان من زعليها عليه
ومنه. لانه لسة حاسس بنفس الۏجع اكن اللي حصل ده حصل دلوقتي. يعني هو لسة منسيش حلا ولا هينسها. وحاولت تتماسك وتلاقي صوتها اللي اتخنق من الۏجع والدموع
هنا طبطبت عليه. كفاية يا عدي انت ملكش ذنب. ده عمرها وقدرها
عدي بصلها بحزن. هنا انا عارف انك زعلانه بس والله ڠصب عني بس انا مش قادر اخسرك انتي كمان ارجوكي افهميني
هنا بدموع. فهماك فهماك قوي صدقني.
عدي جامد. هنا ارجوكي خليكي جنبي انا محتاجلك. متسبينيش
هنا كانت موجوعة ومچروحة. وهدوء عكس البركان اللي جواها.
هنا عدي انت لازم تطلقني. اول لما نرجع القاهرة
عدي اټصدم. وهو في قمة غضبه.
عدي انتي بتقولي ايه. انتي ليه مصرة توجعيني كدة. ليه كل لما قربلك تبعدي. ليه عايزة ايه جواز واتجوزتك حب وحبيتك قرب وبقرب منك عايزة ايه. قوليلي عايزة ايه بقي حرام عليكي
هنا كانت فقدت هدوئها اللي مبقتش قادرة تتظاهر بيه اكتر من كدة وبعصبية
هنا جواز جواز ايه ده اللي بتتكلم عنه اللي اتجوزتهولي وانت مڠصوب. وحب ايه انت بتضحك علي نفسك. انت بتحاول تقنع نفسك انك حبيتني. علشان تبرر لنفسك انانيتك. والقرب ده رغبة وغريزة مش اكتر. انا بالنسبة ليك جسم ووش شبه مراتك. لكن لا اسفة انا مقدرش العب دور الدوبلير ده اكتر من كدة.
انا جيت علي كرامتي كتير علشانك علشان حبيتك. لكن انت عمرك ما حبيتني. انت لحد النهاردة فاكر حلا حلا بتحب ده. حلا پتكره ده. ده عيد ميلاد حلا. دي ذكري حلا. حلا حلا انا خلاص تعبت. انا بقيت مش حاسة بنفسي مش حاسة بوجودي. حلا في كل حاجة في عقلك وقلبك وبيتك. صورها في كل مكان حتي عربيتك فيها صورة حلا. السلسلة اللي انت لابسها وبتحاول تداريها بعيد عني والي فيها صورة حلا. انا شوفتها النهاردة وانت خارج من الحمام وكنت ناسي نفسك. انا تعبت حس بيا حرام عليك. انا انسانة بني أدمه من حقي احس ان الانسان الوحيد اللي حبيته. ليا لوحدي مش بتشاركني في واحدة تانية انا اوقات بحس ان حلا عايشة ماماتتش. من كتر ماهي موجودة في حياتك.
ومسحت دموعها وهي بتحاول
تهدي. انا عايزة اطلق وانت خليك مع حلا.
عدي وبهدوء وعتاب. حاضر يا هنا هطلقك بس مش دلوقتي. انا مرضاش ليكي انك تطلقي بعد 3اسابيع من جوازك. احنا هنتحمل بعض شهرين وبعد كدة هطلقك. واسيبك تعيشي حياتك. انا اسف اسف اني جرحتك قبل كدة. بس انتي جرحتيني دلوقتي اوي اوي يا هنا انا بحاول اثبتلك حبي وانك بقيتي حياتي وانتي بتلوميني علي ماضي انا بجاهد نفسي علشان انساه. بس انتي مش عايزة تساعديني. انتي لو كنتي حبتيني كنتي حاربتي معايا علشان الحب ده يستمر ويكبر. بس لاسف انتي عايزاني انا لوحدي اللي اعمل كدة.
ومشي خطوتين ولف بجنب وشه ليها ياريت تلبسي علشان هننزل القاهرة دلوقتي.
هنا عدي استني.
عدي لفلها بأمل ولهفة. انها تكون اتراجعت عن قرارها. وبصلها علشان تتكلم
هنا انا لما نرجع هفضل في شقتي وانت في شقتك. وعلاقتنا هتفضل زي ما هي لحد لما نطلق.
عدي غمض عنيه وهو بيجز علي اسنانه وبيكور قبضة ايده من غضبه منها ومن عندها وغبائها . وهز راسه بضيق ودخل أوضته
في اوضة عدي
عدي رايح جاي وهو في قمة غضبه. ليه ليه يا هنا غبية غبية. ليه مش حاسة بحبي ليه ليه. وبعند وتحدي. لكن لا يا هنا مش عدي اللي يخسر. واقسملك انك في خلال الشهرين دول انتي بنفسك هتتمني اني مطلقيش. واوعدك يا هنا. وطلع تليفونه..... ايوة يا رعد معلش اقلقتك من النوم. بس عايز منك خدمه اسمع...........
هنا في أوضتها بتلبس