نادرة و حسن بقلم نونا

للدرجة دي
نوال قعدت على الكرسي و عيطت بحړقة
أنا تعبت اوي.... انا تعبت 
تعبت من المقارنة... تعبت من كلامك اللي بيتردد في ودني لحد دلوقتي انا أديت اللي حواليا و اذيت نفسي و ظلمتها اوي
زبيدة مكنتش عارفة تعمل ايه لو زعقت و اتعاملت بقوة هتخسرها و هتخليها تعاند و تكابر و تكمل في طريقها الغلط هي مكنتش تقصد مقارنتها بغيرها بس كانت عايزاها تبقى احسن من غيرها لكن للأسف.... 
اتكلمت بهدوء و هي بټعيط
قومي يا بنتي ادخلي اتوضي و صلي 
ارجعي لربنا ما الوقت يفوت و ټندمي... قومي بدل ما الكره اللي جواكي دا يحرقك ربنا عادل و اللي انتي ناوتيه

لغيرك حصلك انتي هتتعلمي امتى من الدرس... قومي.
سابتها و دخلت اوضتها و هي حزينة....
في مكتب مينا
كان عامر و مينا و اسلام قاعدين و بيفكروا في طريقه يخرجوا بيها حسن
مينا 
لو طلبنا استئناف و مش معانا اي دليل على براءته مش هنقدر نطلعه و لا الحكم هيتغير
اسلام بعشوائية 
طب ما نجيب الراجل اللي أنت بتقول عليه دا اللي اسمه طه و ابنه و نديهم علقھ مۏت لحد ما يجيبوا اللي في بطنهم
عامر باعتراض
طبعا مينفعش أنت بتقول ايه ناس زي دي مامنين نفسهم و الكلام دا مينفعش معاهم
مينا بص للساعة كانت واحدة بعد نص الليل بص للشباب كان باين عليهم الارهاق لان كلهم من الصبح بدري كانوا مع مينا و في المحكمه
مينا بارهاقأنا شايف ان الوقت دلوقتي اتأخر و مفيش اي حاجة هنقدر نعملها لازم نريح شوية علشان نعرف نفكر....
عامر بس انا مش ههدا لما الا حسن يخرج منها يا مينا
مينا و أنا كمان يا عامر لانه دخل في الليلة دي بسبب موضوع المراكب... احنا لو قدرنا نثبت انه هو اللي دس المخډرات لحسن هتتحل و خصوصا لان الدافع موجود و هو أن حسن قدر يخلي عرفة يوصلنا للواء كمال
اسلام عدم الامواخذة هو ممكن نقدم للمحكمة الكلام دا و نخلي اللي اسمه عرفة يعترف انه كان متفق مع طة انهم ياخدوا الصفقة بربع التمن و لما حسن طيرها من ايده عمل كدا علشان ينتقم منه
مينا لا طبعا يا اسلام مينفعش لان عرفة لا يمكن يروح للمحكمة و يقول ان طه كان متفق معه انهم يقلبوا اللواء كمال في تمن المراكب و بعدين هيقول ايه ان حسن كان بيبتزه بالتسجيلات و صور تفضحه مستحيل طبعا
و خصوصا ان حسن مش معاه ولا نسخة من التسجيلات يعني دلوقتي عرفة مش هيقول كلمه تاذي سمعته
أذا كان هو اصلا وافق يوصلنا للواء كمال علشان سمعته اللي ممكن تبقى في الأرض لو الحاجات دي طلعت...
عامر بتنهيدةانا تعبت من التفكير
ميناعلشان كدا بقولك خلينا نريح شوي و انا هاخذ اذن بالزيارة لحسن لازم اتكلم معه أنا متأكد انه اول ما يفكر في حل هيلقيه 
ياله يا عامر قوم أنت دلوقتي روح و انا كمان همشي و خلينا نتقابل تاني لو وصلنا لحاجة
عامر و اسلام قاموا مشيوا و مينا قفل المكتب و خرج وراهم
تاني يوم العصر 
سمارة كانت عند نادرة 
نادرة خرجت من اوضتها سمارة اول ما شافتها راحت عندها و حضنتها
سمارة شد و هتزول يا نادرة متقلقيش
نادرة بجدية و تعب باين في عيونها الحمراءو ملامحها الباكية اتفضلي....
سمارة قعدت و نادرة ادامها 
سمارة بحرج 
عارفة أنك مستغربة وجودي و مستغربة ان الراقصة تجيلك انتي يا بنت الحج موسى بس مقدرتش اسيبك في المحڼة دي
نادرة بود
أنا مش مستغربة و لا حاجة لان متأكدة ان حسن يستاهل ان الكل يحبوه و موضوع الرقص دا فأنا عارفة أنك سبتي الكبارية من يجي سنة
و بعدين انا مش ربنا علشان احاسبك... مجيتك على راسي يا سمارة
سمارة بابتسامه 
تعرفي أنا حاسة ان الموضوع هينتهي و الله و حسن هيرجع بس لازم تخلي بالك على نفسك.... اقولك حاجة يا نادرة
أنا كنت بحب حسن... و اتمنيت لو انا مكانك
حبيته لما شفت جدعنته و طيبته لما ساعدني و جابلي شغل و خلني اعيش بني ادمه
تانية 
بس مع الوقت عرفت ان حسن لنادرة و نادرة لحسن 
بس دلوقتي عرفت ان ربنا رحمني لما مكنش لينا نصيب سوا
لان مكنتش هقدر استحمل الۏجع دا كله بعد ما اكون معاه و اشوف حياته كلها و اعرف معنى الحياة علشان كدا حاسة بوجعك
نادرة بحزن محدش هيحس بيه يا سمارة
محدش هيحس بالۏجع دا لانه بيكويني أنا متخيلة أن ابو ابنك يضيع فجأة
حبيبك يروح منك من غير ما تحسي 
يروح ظلم.... سبيني ساكتة يا سمارة
عارفة لو في وقت تاني و واحدة جيت تقولي انا بحب حسن كنت جبتها من شعرها بس دلوقتي معنديش لا طاقة و لا القوة اللي تخليني اتعصب حتى.... تشربي ايه يا سمارة
سمارة بحزن
ولا حاجة تسلمي أنا همشي دلوقتي بس هرجع تاني و ان شاء الله يطلع منها بالسلامة
نادرةيارب
سمارة بالاذن أنا... مع السلامة
نادرةسلام..
في السچن 
حسن خرج من الزنزانة و طلع لحوش السچن كان معظم المساجين فيه بص للوجوه اللي حواليه... قعد في جنب و هو بيفكر ازاي يخرج من المكان دا 
و في نفس الوقت عايز يطمن عليهم حاسس انه هيتجنن من التفكير في الموضوع سند على الحيطة اللي وراه و غمض عنيه
جيه ناحيته واحد و هو بېدخن قعد جنب حسن 
الشخص 
مكنتش مصدق لما عرفت ان في ضحېة جديدة لعيلة الأسيوطي هتشرف في السچن لا و في نفس السچن اللي انا فيه...
حسن اتعدل و بصله كان شاب باين في منتصف الثلاثينات لكن شكله عادي جدا
حسنأنت مين
سليمان يسري..... و أنت حسن الصياد جيت هنا في قضية مخډرات و
هتقضي باقي عمرك هنا
حسن ايه علاقتك لعيلة الأسيوطي و عملوا معاك ايه
سليمان
كنت محاسب في شركات الأسيوطي من اربع بس منها لله اللي أسمها رحاب رحاب كانت بتلعب في الورق و الحسابات لنفسها من وراء طه و لما أنا عرفت روحت بلغت مدير اعمال طه الأسيوطي لكن هو كان متفق معها و لبستني قضية اختلاس و اخدت فيها خمس سنين و دي السنة التانية ليا هنا
حسن بسخرية و أنت سكت!
سليمان بابتسامه 
زي ما أنت هتسكت يا حسن.... اصل انا و انت مش ادهم أنا سمعت انك وقفت لطه في صفقة كان هيكسب فيها كتير علشان كدا جابك هنا 
على العموم أنا ممكن اساعدك جو السچن
حسن و هتساعدني بايه ان شاء الله كنت ساعدت نفسك
سليمان ماشي بس انا كنت حابب اساعد
حسن بجدية تشكر يا عم ساعد نفسك انت الأول و سبني في حالي علشان انا على أخرى و ممكن اتهور عليك دلوقتي
سليمانانا كمان كنت كدا أول ما جيت بس و ماله.... و لو احتاجت اي حاجه انا في نفس العنبر 
سليمان قام سابه و هو حس بالڠضب أكتر ان شړ العيلة دي مطالوش لوحده
بعد مرور اسبوعين في يوم الزيادة
نادرة خرجت من اوضتها و هي بتحط الد في الحجاب 
دعاء يا بنتي ما تخليكي أنتي اصلا مفروض تتحجزي في المستشفى اليومين دول الدكتورة بتقول انك قربتي اوي
نادرة باحساس بالۏجع
لا انا لازم أكون معاكم انا كويسة الحمدلله و ان شاء الله مش هولد اليومين دول بس كدا كل حاجة جاهزة له...
جليلة ايوة انا حطيت كل حاجه متقلقيش
نادرة خلينا ننزل علشان نلحق نروح له مش بابا تحت
تبارك بحزن اه تحت بس انتي شكلك تعبانة اوي
نادرة بضيق قلتلكم مش تعبانة انا كويسة خلينا بس ننزل
تبارك مسكت ايدها و نزلوا سوا هي و دعاء
في السچن 
حسن و سليمان كانوا بيتكلموا قدروا يتأقلموا سوا في الفترة اللي فاتت و حسن بقا اهدا و بيحاول يعرف من سليمان كل معلومه عن شركة الأسيوطي و اللي بيحصل جواها
سليمان مالك يا حسن متوتر ليه النهاردة! ...
علشان معاد الزيارة يعني
حسن أكيد هو أنت مش مستني حد يجيلك و لا ايه
سليمان بحزن و سخرية 
لما دخلت السچن في الأول هدى كانت بتيجي تزورني لوحدها و مكنتش بترضا تجيب البنت معها و بعد ست شهور كانت رفعت عليا قضية طلاق و اتطلقنا و من ساعتها ماشوفتش بنتي و لا حد بيجي يزورني
حسن ربت على كتفه بمواساة
ان شاء الله هتخرج من هنا و هترجع لبنتك
سليمان ان شاء الله بس هو أنت مين هيجيلك
حسن أمي اكيد و تبارك و..... معتقدش ان نادرة هتيجي عارف المفروض انها هتولد في الشهر دا و هي في نهاية التاسع كان نفسي ابقي معها و اطمنها
سليمان
ان شاء الله خير يا حسن قولي هي حامل في ايه ولد و لا بنت...
حسن بحزن ولد.....
عدي الوقت
و هو منتظر ان السجان ينادي اسمه ان في حد جيه يزوره لحد ما فعلا نادي اسمه و خرج بلهفة
لكن كان مصډوم انها جيت تزوره مكنتش متها 
حسن بص لنادرة اللي كانت مبتسمة و كأنها بتقوله أنا معاك مهما حصل 
راسها 
ايه اللي جابك انتم ازاي توافقوا انها تيجي
دعاء انا صوتي راح و انا
بقولها تفضل لكن هي صممت تيجي
نادرة بلهفةأنا كويسة يا حسن متقلقش... قولي أنت كويس
حسن متقلقيش عليا أنا بخير الحمد لله
نادرة بص يا سيدي جليلة عملت لك الاكل اللي بتحبه اهو كل كويس و بالله عليك يا حسن متزعلش و هون على نفسك و ان شاء الله هتعدي على خير
حسن مسك ايدها بقوة و كأنه بيستمد منها الأمان 
قعدوا كلهم يتكلموا 
حسناخبار بحر ايه
تبارك بخير الحمد لله بس زعلت لأنها معرفتش تيجي معانا قولنالها الزيارة الجاية انا هفضل و انتى تيجي له
حسن خلوا بالكم عليها
نادرة بتعبناوي على ايه يا حسن
حسن بتفكير ناوي اۏلع فيهم يا نادرة 
ناوي اخليهم يندموا بس متشغليش بالك انا يجهز لحاجة كدا
نادرة حطت ايدها على بطنها بۏجع 
ا ايدك يا حسن بلاش تاذي نفسك ا ايدك انا مش حمل ۏجع و الله العظيم مش حمل حاجه تانية.
حسن حس بالحزن 
مټخافيش أنا بفكر ازاي هخرج من هنا.... بس مش هسيب حقي يا نادرة دا على چثتي
نادرة المهم متاذيش نفسك و فكر فينا بالله عليك
حسن انا اللي تعبني يا نادرة اني مش بفكر غير فيكم
دعاء ربتت على كتفه باهتمام 
متقلقش علينا يا حسن و خلي بالك على نفسك احنا بخير الحمد لله
عدي عشر دقايق تقريبا
السجان الزيارة انتهت.... الزيارة انتهت
سلموا عليه و نادرة مكنتش عايز تمشي لكن ڠصب عنها
حسن اخد الزيارة و رجع العمبر بتاعه
مكنش له نفس ياكل على اد ما كان حاسس بالحزن أنه شايفها بالحالة دي بتحاول تبتسم علشان ميزعلش
سليمان قعد جانبه و هو بيواسيه
معليش يا حسن هي الزيارة الاول بتكون صعبة اوي
حسن انا عمري ما جيه
على بالي يا سليمان ان دي تبقي اخرتها....
سليمانمعليش هتعدي