وحيدته بقلم نيره وائل( الفصل 1)

اخويا جري عليه حضنه
فضلت متابعة اللي بيحصل پصدمة هما ازاي يعرفوا بعض 
قطع تفكيري صوت يوسف 
_ مالك يا نورا
_هاااا.... لا.... لا مفيش... مين دا
ابتسم وحط ايده على كتف خالد
_ ايه دا فكرتكم اتعرفتوا 
دا خالد اخويا... لسه راجع من انجلترا قريب بشمهندس قد الدنيا
وقتها استرجعت ذكرى من 15 سنة
كنت جاية اقعد مع ماما يومين 
و طلعت العب انا ورهف اخت خالد في الجنينة كنت بحبها جدا وهي كمان لكنه فجأة جه زقني بعيد وشد رهف من ايدها واتكلم بعصبية
_ انتي بتلعبي مع البنت دى ليه
رهف بصتله پخوف
_ نورا صحبتي وانا بحبها
_ دي مش صحبتك... دي واحدة وحشة زي مامتها
هزت راسها بنفي
_لا نورا طيبة وطنط كمان طيبة
جريت عليا حضنتني 
_ تعالي نلعب ملكيش دعوة بخالد
شدها خالد مرة تانيه بعصبية 
_دي بنت الست اللي اخدت مكان أمنا... ابعدي عنها
قرب عليا وكمل بزعيق
_خدي مامتك وامشي من هنا انا بكرهكم
كان وقتها عندي 9 سنين لكني فاكرة الموقف دا كويس اوي 
لأنه من بعدها معتش جيت البيت دا تاني عشان خۏفت من خالد 
وحكيت لجدي ووقتها منع اني اروح عندهم تاني
فوقت من الذكرى دي على صوت 
خالد مد ايده ليا وابتسملي
_نورتي البيت يبنت مرات ابويا
سلمت عليه وهزيت راسي وانا بحاول ابتسم
يوسف ضربه في كتفه وضحك
_كلم اختي عدل
ضحك وغمزلي
_مش دي الحقيقة
لمېت حاجتي بتوتر واستأذنت طلعت اوضتي 
سندت على الباب وانا حاطة ايدي على قلبي 
_ ايه الخضة دي... شكلها ايام ما يعلم بيها الا ربنا
__________________________
_ انا حاسة ان اللي عملناه غلط يا محمد
اتنهد بضيق
_ جنة مش كل شوية هتقولي الكلمتين دول انا تعبت
_ انا كنت عايزة اصلح علاقتي بيها لكن كدا كرهتني اكتر
مسك ايديها وابتسم
_ متلوميش نفسك انتي مش غلطانه في حاجه... عمي هو السبب في انها تكرهك زمان لكن اللي حصل دلوقتي دا مش غلط احنا حبينا بعض ذنبنا ايه نتحرم من بعض عشانها
سحبت ايديها منه واتنهدت بضيق
_ بس معنى انها كانت بتحبك بالشكل دا يبقى انت كنت عاطيها وش 
لو كنت حاطط حدود بينكم مكنش كل دا حصل
_ جنة لاحظي اننا كبرنا والدنيا كلها بتقول اننا لبعض وإني كنت مكمل في كل حاجه على الاساس دا...صحيح عمري ما قولتلها اني بحبها او اننا هنتجوز بس كانت كل حاجه بتوحي بكدا 
لكن كل دا اختلف من سنتين لما كلمتك... حبيتك انتي واكتشفت اني عاايز اكمل حياتي معاكي
اتكلمت بعصبية وهي بتخبط بإيدها على الترابيزة 
_ وطول السنتين اللي فاتوا دول محاولتش تلمحلها ان كل دا اتغير وانك مش بتحبها
_ انا معشمتهاش بحاجة عشان ابررلها كل دا
_ ازاي وانت قولت انك كنت هتتجوزها لو مكنتش انا ظهرت 
يعني انا اخدتك منها برضو يعني اختي لها كل الحق انها تكرهني
مسح على وشه بعصبية 
_بقولك ايه يا جنة بطلي تحاسبيني كدا... انا كمان مليش ذنب ما نورا قدامي بقالها سنين لو عايزها كنت اتجوزتها من زمان هي اللي فهمت اهتمامي غلط 
_ انت كلامك بيناقض بعضه يا محمد شكلك كنت مبسوط بلمتنا حواليك...طبعا ما البنت واختها واقعين في دباديب
رد بصوت جهوري
_جنة
ابتسمت بسخرية
_ايه قولت حاجه غلط
قرب عليها ومسكها من دراعها بعصبية وعيونه دمعت وهو بيتكلم
_ مش بعد كل اللي عملته تفكري فيا كدا... انا بحبك انتي افهمي 
كنت خاېف على نورا عشان شايف قد ايه هي متعلقة بيا 
مكنتش قادر اواجهها لكن وقت الجد وقفت قدامها وقولت اني بحبك 
و وقفت في وش ابويا عشانك.. متجيش بعد كل دا تطلعيني وحش
قعدت في الارض وهي بټعيط
_ بس انا مكنتش عايزة اختي تكرهني... انا بحبها مكنتش عايزة كل دا يحصل دي سابت البيت كله ومشيت انا كدا خسرتها بجد
طبطب عليها ومسح دمعة خانته 
_ خسرناها 
________________________
صحيت تاني يوم على صوت خبط على باب الاوضه كانت ريناد اختي 
جاية تصحيني عشان الفطار... مكنتش قادره انزل ولا اشوف حد 
عايزة افضل لوحدي... لوحدي بس 
قد ايه الاكتئاب وحش... احساس الخذلان والخسارة 
لما تعيش عمرك بتبني احلام وفجأة تتهد فوق دماغك
لما تحس ان شخص اتخلق عشان ياخد منك كل حاجه 
حاربت كتير عشان امنع الكره يدخل قلبي... حاولت مكرهش
لكن دلوقتي الكره والحقد ماليني.. و قلبي مكسور
محمد شوهه الجزء السليم اللي كان الباقي فيا
دبحني پسكينة باردة ومسماش علياا
نزلت على الفطار لقيت الكل متجمع على السفرة ما عدا خالد 
كان عندي فضول اعرف مختفي فين لكن فجأة لقيته جه من ورايا وشد الكرسي اللي جمبي وقعد
بصلي وهو بيبتسم 
_صباح الخير
هزيت راسي بتوتر
_صباح النور
ردت ماما باستغراب 
_ انتوا اتعرفتوا امتى
لقيته بصلي وبيبتسم باستفزاز وهو بيشاور بعينه على ماما 
بمعنى اقولها ولا لأ
ضړبته في رجله واتكلمت بسرعه
_امبارح في الجنينة ويوسف عرفنا على بعض
جوز ماما ابتسم
_ اتمنى تتأقلموا مع بعض
رد على والده 
_لا متقلقش احنا متأقلمين جدا
ضحك وهو بيغمزلي 
_ ولا ايه يا نورا
ابتسمت بتوتر 
_هاااا... ايوا طبعا
كنت باكل لكن جه على بالي رهف واستغربت انها مش موجودة 
_ هي رهف فين
لقيت ملامحهم اتبدلت وخالد ضړب بكف ايده كوباية العصير اللي كانت جمبه واتكسرت بعدها ساب الفطار ومشي بعصبية
اټصدمت من رد فعله لكن لقيت عمو استأذن وقام هو كمان
بصيت لماما بتوتر
_ هو في ايه
اتنهدت بحزن
_ رهف....
يتبع. 

_هي رهف فين
لقيت ملامحهم اتبدلت وخالد ضړب بكف ايده كوباية العصير اللي كانت جمبه واتكسرت بعدها ساب الفطار ومشي بعصبية
اټصدمت من رد فعله ولقيت عمو استأذن وقام هو كمان
بصيت لماما بتوتر
_ هو في ايه
اتنهدت بحزن
_ رهف اټوفت من سنة
شهقت بصدممه
_ ايه... ازاي
_ مش وقته يا نورا... ومتفتحيش الموضوع دا تاني
هزيت راسي بحزن وطلعت وقفت في الجنينة 
لقيت خالد قاعد في حمام السباحة من تحت 
اټصدمت من شكله وناديت عليه پخوف 
_خالد 
لكن لقيته مردش حسيت بالخۏف دب في قلبي
و ناديت بصړيخ 
_خااااالد
طلع من الماية وهو بيرجع شعره لورا واتنهد 
_ مالك و مالي النهاردة بجد
اتوترت واتكسفت من اللي عملته انا للحظة كنت فاكراه غرق 
_ انا... انا اسفة
لقيته بيعوم ناحيتي لحد ما قرب مني 
_كنتي پتصرخي ليه
_ هااا.... مفيش
كنت همشي لكنه شدني من ايدي ووقعت في حمام السبااحة 
و خلال دقيقه كنت بغرق وبستنجد بيه 
فضل يتفرج عليا وبصلي بنظرات مش مفهمومة 
_الحقني... ھموت....خالد ھموت
لقيته قرب مني ورفعني لفوق مسكت في رقبته وانا بشهق 
و بتنفس بصعوبة 
_ انت مچنون انا... انا كنت ھموت
رد وهو مركز في عيوني 
_ وفيها ايه لما ټموتي انتي مش احسن منها 
للحظة خۏفت منه وزقتيه بعيد لكني بدأت اڠرق تاني 
بس لحقني على طول المرة دي من غير ما يتكلم او حتى يبصلي
مسكت فيه وانا خاېفة بصيت على عيونه كان فيها شئ غريب 
مقدرتش اترجمه بس اللي فهمته انه خالد لسه بيكرهني 
نيرة وائل 
__________________________
_ ماما انا عايزة ارجع بيتنا
_ ليه يا جنة... عمك هو اللي قالنا نفضل هنا من بعد ۏفاة ابوكي
_ بس نورا مش هترجع طول ما احنا هنا
_ وانتي مالك ومالها... انشاء الله عنها ما رجعت شاغله بالك ليه 
البيت دا ابوكي ليه فيه النص يعني بيتك زي ما هو بيتها
_ ماما لو سمحتي متتكلميش كدا
_ مش انتي اللي هتعلميني ازاي اتكلم يا جنة احترمي نفسك
_ انتي ليه بتكرهيها كدا... ليه رفضتي انها تعيش معانا
ليه