قصة شرايط العهد

خاصة ان المرة دي اللي فيا كان مكفيني

وفايض عليا وزايد لما كاتم انفاسي

وطول اليوم زي كل وردية كنت لوحدي لكن الجديد ان كانت وساوسي ملازماني اللي فكرت فيها إن في اكتر من تلاتين ممرض وعامل وفني عايزين يقت،ـلوني

زي ما يكون كل اللي كشر في وشي مره عايز يقت،ـلني وبيتمنى مoتي

وطبعا المفروض انا اللي انتقم

واقتل@هم قبل ما يق@تلوني

لغاية ما رشاد قطع كل الأفكار دي لما جه يستلم مني وحاول يتكلم معايا لكن ماردتش عليه

بس اللي فاجئني إنه قال

_في ظابط مباحث عند المدير وبيقول ان النيابة طالبة الشرايط اللي اتخنقت بيها الضحية بعد ما شافوا تقرير الطب الشرعي ؟؟

...هو اللي بلغ عن ضياعها،، قلتلك عايز يخلص منك لإنه بقا خايف من وجودك وضياعك على ايده

.... اقتله دلوقتي قبل ما تتحبس وبعدها هتقول ياريتني..

فنفضت راسي كإني بنفضها من الكلام اللي بيتردد من ورا ضهري في الوقت اللي رشاد جسمه اتنفض ورجع لورا خطوتين ناحية باب المشرحة من خوفه من شكلي

فحاولت اتمالك نفسي ورديت

=وعايزينها ليه؟؟

فرد وهو واضح عليه الخوف

_عشان وفقا للتقرير طلعت الشرايط هي أداة الجريمة ولازم تتحفظ في احراز النيابة...

وقتها قعدت ع الكرسي وانا منهار وحاسس ان الدنيا بتضيق على رقبتي خلاص

=وانت قلت لهم ايه؟

_قلت إنك انت اللي كنت موجود في وردية التشريح،، هي راحت فين يا ابراهيم؟؟

...خلاص،، انت ماعدتش محتاج تأكيد أكتر من كدة ان هو اللي بيدمر حياتك

فحطيت ايديا فوق راسي

=مش عارف راحت فين،، اختفت

_طب هتعمل ايه

=مش عارف

وقتها ظهر فردين أمن عند باب المشرحة وخدوني لأوضة المدير ومن هناك للنيابة

فأول ما سألني رئيس النيابة عن الشرايط لقيت الصوت ظهر تاني

...هتقول ماعرفش، صح؟

لكن مش عارف ليه لقيتني بقول كل حاجة من ساعة اول شبح ججث0ة كلمته وكإني بزيح حمل من على صدري

عشان بعد ما اخلص كل اقوالي قدام وكيل النيابة اللي كان بيسمعني وكإنه بيسمع لكلام شخص مجنون مالوش أدنى اعتبار،، يأمر بتحويلي لمستشفى الأمراض النفسية والعصبية لبحث مدى سلامة قوايا العقلية على ذمة قضية سرقة واتلاف احراز جنائية بغض النظر نهائي عن كون كلامي فيه شهادة على القضية الاساسية باعتباري منبت الصلة عنها

وهناك مع أول مقابلة مع الدكتور في أوضة الفحص اللي كان معانا فيها فرد أمن..

حكيتله نفس اللي حكيته في النيابة وقت ما كنت على حالي بتلفت ورايا وبسمع الوساوس وزاد على كل ده رعشه بدأت تلازم راسي وايديا..

لكنه رد بمنتهى الهدوء وبشيء فيه تطمين ليا

بإنهم لما استفسروا عني في المستشفى ومن بحث حالتي وبحث أقوالي في النيابة وشهادات بعض الناس

بيرجحوا اني اكون مصاب ب....
بيرجحوا اني اكون مصاب بنوع من انواع الفصام وهو اللي دايما بيخليني اتخيل حكايات بتدور بيني وبين الأشباح والحالة دي من غير أي علاج كانت في تزايد مستمر لغاية حالة البنت الأخيرة اللي كانت أصعب من أي حالة عدت عليا فكان لازم الحكاية تكون اكبر من أي حكاية خاصة مع وجود الشرايط الغريبة اللي كانت موجودة على جسمها واللي عقلي عمل بخصوصها قصة تانية غير قصة البنت وعشان عقلي يحبك القصة اللي اخترعها كويس كان لازم الشرايط تختفي وفي نفس الوقت عقلي يتناسى الوقت اللي اخدت فيه الشرايط وخبيتها...

وأمر الدكتور بحجزي لفترة أكون فيها تحت الملاحظة مع تقرير علاج مناسب لحالتي