قصة شرايط العهد

ومع كلامه العلمي اللي كان بيقوله بثقة بدأت أشك في نفسي في أول ليالي الحجز باني مريض فعلا خاصة إن الفرض دا كان اريح لقلبي لكن لما كنت احاول اقنع نفسي بكدة وإن الوساوس دي مصدرها راسي واني ممكن اقدر اسيطر عليها

ماكنتش بقدر نهائي حتى مع الدوا اللي قرره وقال انه هيقلل كل ده،،،

وساوسي وهواجسي وخيالاتي كانت بتضاعف..

ومع مرور ايام الملاحظة ظهرت شوية مفاجآت شقلبت حكايتي كلها من تحت لفوق لدرجة اني بقيت تايه ومش عارف فين الصح وفين الغلط..

الأولى ظهرت بعد يومين لما لقيوا إن في بلاغ باختفاء بنت بنفس المواصفات من اليوم اللي المفترض انها اتقتلت فيه ولما استدعوا اصحاب البلاغ ظهر ابوها اللي قال انه كان مسافر خارج البلاد في شغله ولسه واصل من يومين على ما قدر ييجي وان مراته اللي هي مش أم البنت،، هي اللي قدمت البلاغ..

ومع مناظرة الججث0ة ومناظرة الدي ان ايه مع الراجل عرفوا ان الججث0ة تبقى بنته وشهود شهدوا ان البنت فعلا حاولت تهرب اكتر من مرة وانها كانت مضطربة نفسيا...

ومن ضمن أقواله هو ومراته بعدها عرفوا ان في سلسلة اتسرقت من رقبتها...

ولما عملوا تعميم بأوصاف السلسلة وخلال يومين تانيين ظهر إن السلسلة باعها مسجل خطر ساكن في القرية اللي لقوا الجثه في ترعتها

واللي اتقبض عليه واتوجهتله تهمة الاغتصاب والقتل العمد

لكنه كان بيرفض الاعتراف وكانت المسأله صعبة خاصة مع عدم وجود اثار للسائل المنوي في رحم الججث0ة او اثار جلد تحت ضوافرها،، ممكن بسبب غيابها في الميه او كونها ماخربشتوش في الاساس..

النيابة افترضت انه القاتل وانه بعد ما اغت،ـصبها خنقها بحبل أو ما شابه ولتضليل العدالة لفها بشوية شرايط منقوشة بطلاسم ورماها في المية عشان لو الججث0ة اتكشفت يتقال انها مقتوله بسبب أعمال سحر أو خلال فتح مقةةبرة زي ما بيتعمل في اطفال وبنات عذارى

القضية اتحولت لقضية رأي عام وناس شهدت انهم شافوا بنت بالمواصفات دي في البلد اللي ساكن فيه مسجل الخطر اللي تم اتهامه باغتصابها وقتلها،،

بل في ناس شهدت انهم شافوه مع واحده لابسه عباية سودة في توكتوك في الليلة اللي حددها الطب الشرعي للوفاة

وظهرت ملابسات كتير على نفس الشاكلة

أما في اليوم العاشر من ايام الملاحظة ظهرت المفاجأة الأكبر لما بلغوني ان رشاد لقى الشرايط ورا المشرحة في حفرة صغيرة وراح سلمها للنيابة

ودا أكد كلام الدكتور بخصوص حالة الفصام والقصص اللي بيخترعها عقلي

اما انا فمع كل اللغبطة اللي بتحصل دي بقيت تايه ما بين اللي انا فيه من وساوس وهواجس وما بين علامات المستجدات اللي ظهرت

فكنت بسأل نفسي

هل كلامي مع شبح البنت كان حقيقة؟!

ووساوسي دي سببها شرايط الكتان؟!

خاصة مع تشابه كلام البنت مع الحقيقة اللي ظهرت بإن لها مرات أب وان ابوها كان مسافر

ولا دا فصام زي ما قال الدكتور

والدليل ظهور شرايط الكتان

اللي لقاها رشاد

طب لو كلامي مع شبح البنت حقيقة

هخلص من اللي فيا دا ازاي

طب امتى هخرج من المكان ده

هل اطاوعهم واعمل نفسي اتعالجت

ولا افضل متمسك بكلامي

هل هيكتشفوا حقيقة اللي حصل للبنت دي لو كان حقيقي اللي حكيته

ولا اللي اكتشفوه بتاع مسجل الخطر هو اللي حقيقي

أسأله كتير وسط وساوس أكتر