قصة شرايط العهد

_المتهم دا ممكن يكون حد رمى السلسلة في طريقة مثلا أو قدام بيته أو حد عطهاله بعد الججث0ة نفسها ما اتكشفت ودا عشان هو اللي يلبسها،، او يكون حتى لاقاها بالصدفة أو وصلته بأي طريقة

اما شهادات الشهود فمع حالة التعاطف مع البنت وكونه مسجل خطر ناس كتير ممكن تشهد انها سمعت آهات البنت وهو بيغتصبها

مع ان ممكن كان في توكتوك مع اي واحده في الدنيا ولو جابوا الواحدة دي وشهدت انها اللي كانت معاه ماحدش هيصدقها عشان القضية تتقفل

=طب والشرايط اللي بتقول عنها انها سحر فراعنه وانها بتلبسك لما تلمسها وقت الحلول وبعدها تختفي وتتمس بخادم التعاويذ اللي عليها

_مالها

=انت مصدق الكلام ده

_مصدقه جدا

....ايوه عندك حق في دي

فبصلي الدكتور باستغراب

=امال ظهرت تاني ليه ؟؟

_شوف الشرايط بعد ما ظهرت وانت تعرف

=ازاي؟

_رشاد زارني من يومين بالظبط

.....رشاد دا اللي هيضيعك اسمع كلامي

=ودا معناه ايه؟

_الكلام دا هيفضل سر بيني وبينك

=موافق

....وانا تالتكم

_رشاد هو اللي راح جاب شرايط كتان وكتب عليها تعاويذ وارقام وحروف وراح بعدها غمزها في ميه لمدة تلات ايام وبعدها حطها في حفره لمدة يوم وبعد كدة اخدها سلمها للنيابة...

ساعتها كان الدكتور مبرق عينيه من الصدمة لكن انا كملت كلامي

_سيبك من المس والشرايط وكل دا، انا عارف انك عمرك ماهتعترف بيه وانا غالبا هخد افراج من النيابة بعد ظهور الشرايط وبتقريرك اني مصاب بانفصام بعد فترة علاج ايا كانت،، هخرج من هنا،، لكن كل اللي انا طالبه منك انك تحاول بأي شكل ترتضيه إنك توصل للنيابة بعض المعلومات عن كون البنت كانت محبوسة في أوضه فوق السطوح وإن أمها هي اللي جابت دجال على اساس يعالجها فطمع فيها لما لقاها بنت مليحة وقال دي بنت مجنونه واغتصبها،، ولو ضغطوا على امها بالحقايق دي هتعترف لوحدها،، ممكن تقول توارد خواطر تقول حلم،،، ماتقولش اي حاجه من دي،، لكن الحكاية كده ماشية غلط

اقولك،، قول للنيابة إني مجنون لكن قولهم إنه عمال يحكي عن حلم بيحلمه بأوضة فوق السطوح البنت كانت فيها محبوسة وليها آثار خرابيش على جدرانها والأوضه دي هي اللي اتقتلت فيها تحت علم أمها وساعتها انا نفسي هحل حكايتي دي وهريحك مني

والنيابة صدقني مش هتخسر حاجه لو دورت في الناحية دي ولو لمجرد تحقيق واحد

ساعتها قام وانا حاسس في عينيه بتردد

فقلتله

_ارجوك، مجرد محاولة واحده

فوقف في مكانه

=اوعدك هحاول،، لكن لازم تعرف إني همد مدة الملاحظة عشر ايام هتفضل فيهم معانا.

مكالمة هاتفية مابين الدكتور نبيل المسئول عن حالة ابراهيم وأحمد بيه سالم رئيس نيابة التحقيق

_مساء الخير أحمد بيه، ازي صحة معاليك يا فندم؟

=ازيك يا دكتور اخبارك ايه؟ خير في حاجه بخصوص الحالة اللي حولناها، انا عرفت ان انت اللي مسكتها

_والله يا أحمد بيه هي حاجه أه بخصوص الحالة وبخصوص القضية ككل،، الفني اللي إسمه ابراهيم دا متمسك بكلامه بشكل غريب لدرجة شككتني إنه مايكونش مريض نفسي حقيقي

=تقصد ايه يا دكتور

_انت عارف يا احمد بيه ان طبعا لا انا بؤمن ولا في نطاق شغلنا في أي مجال لأشباح ومس ولبس وكلام فاضي من دا لكن ممكن نسميها رؤية أو تخاطر او توارد افكار

=بخصوص ايه؟

_ابراهيم دا متمسك جدا بحاجه واحدة، ان التيلة دي اتتلت في....
أوضة فوق السطوح كانت محبوسة فيها وتحت علم امها،، تمسك غير مرضي نهائي وغير مضطرب

=امممم،، يعني مثلا ممكن اعتبر دي شهادة شاهد طبيعية

_انا مابفهمش في القانون يا فندم لكن هو مستعد يشهد لو اتطلب منه ده

=لكن هو بردو ماينفعش يشهد لإنه مش محيط نهائيا ببؤرة الاحداث هو مجرد فني وصلته الج@ثه